EXPRESS (Social Media)

الوافدين وهو الرغبات في الجامعات لو سألت أي طالب ايه رغبتك الأولى والثانية في الجامعات، هتلاقي الجواب لا تخرج عن جامعة القاهرة وعين شمس والمنصورة والاسكندرية). ورغبة حثيثة في ذلك..

طيب ممكن نتناقش بكل أمانة وموضوعية… حضرتك اتخرجت ومعك بكالوريوس الطب مثلا وعاوز تشتغل وتمارس المهنة هل هيسألوك انت خريج جامعة ايه؟ مفيش فرق الكل بيشتغل، يعني سوق العمل مش محتاج اسم الجامعة. لو عاوز درجة التخصص الماجستير من اي دولة مش هيفرق اسم الجامعة اهم شئ تكون جامعة حكومية وتعالي اتخرج من جامعة الفيوم واعمل ماجستير من جامعة القاهرة عادي. طيب حضرتك مستواك المادي متوسط او اقل ليه متحطش دي في الاعتبار، مثلا منطقة المنيل القريبة من جامعة القاهرة متوسط الشقة ٦٠٠٠ جنيه في الشهر بينما متوسط الشقة في المنوفية او طنطا ۲۰۰۰ جنيه فيه محافظات الشقة بالف وحياة ارخص ليه تضغط على السيد الوالد والله اعلم بحاله. لازم تراعي مستواك العلمي فيه جامعات أصعب وجامعات أسهل فيه طلاب كلموني عاوزين يحولوا من جامعة (……) لصعوبتها وشافوا ان اصحابهم في جامعة تانية بيجيبوا تقديرات محترمة وهو مش قادر يجيبها هتقول موضوع الاعتراف! اسمحلي اقلك انك فاهم الاعتراف غلط اولا كل الدول العربية معترفة بكل الجامعات العربية الحكومية دي اتفاقية جامعة الدول العربية، يعني مصر فيها ٢٧ جامعة حكومية معترف بها في كل الدول العربية وكثير من بلدان العالم، ومصر بتعترف باي جامعة حكومية من اي دولة عربية. لكن اللبس حصل من ان بعض الدول توصي بجامعات معينة

لمواطنيها، فالناس اخدت هذا علي انها لا تعترف بالجامعات الأخرى مثلا الكويت توصي بست جامعات مصرية، يعني ايه توصية يعني بتخاطب الطالب الكويتي فقط وتقوله لو درست في الجامعات الستة دي تقدر تحول لبلدك وتقدر تعمل الماجستير والدكتوراه على نفقة الدولة في بلدك، لكن لو حصل على البكالويوس من جامعة تانية عادي هيشتغل بيه بعد ما يعمل حاجة اسمها اختبار موحد والكلام ده خاص بالمواطن الكويتي لا يعنيك انت كسوري او سوداني او مصري او اي جنسية .

هتقول فيه جامعات دخلت تصنيفات عالمية مثل تصنيف شنغهاي

وان فيه جامعات فيها أساتذة كبار وعالميبن، هقولك دي حقيقة لكن

ميمنعش ان الجامعات الأخرى فيها أساتذة كبار وعالميين وان كان

أقل عددا لكن الموضوع بيرجع لاجتهادك انت كطالب.